العلاج الياباني افيجانو وشركه ريد هيل الاسرائيليه تعلن وصولها لعلاج فيرس كورونا وشفاء المرضى خلال 4 ايام

ا حقيقة العلاج الياباني افيجانو : 

مسئول كبير في وزارة العلوم والتكنولوجيا الصينيه قال ان في شهر مارس ان العلاج اللي طورته الشركه التابعه لشركة فوجي فيلم كانت نتايجه هايله لما اجروا عليه تجارب سريريه ل 340 مريض في مدينة ووهان وقالوا ان المرضي اللي اخدوا الدواء اتحولت نتايجهم لسلبيه بعد متوسط 4 ايام والعلاج بيتم انتاجه وتوزيعه بناءا علي طلب من الحكومه اليابانيه وهي الجهه الوحيده اللي عندها المخزون من هذا الدواء وانه غير متاح في السوق نهائي ولا موجود في اي مكان في العالم و شركة فوجي فيلم المنتجه للعلاج قالت انها تتوقع زيادة انتاج علاج افيجان الي 100 الف بحلول شهر يوليو بزياده ضعفين ونص مقارنة ببداية شهر مارس وهيوصل ل 300 الف بحلول شهر سبتمبر و الجميل ان رئيس وزراء اليابان قال ان اليابان هتدي الدواء مجانا لاكتر من 20 دولة و احتمال كبير جدا يكون منهم مصر علي حسب كلام المسؤولين المصريين 

ثانيا العلاج الاسرائيلي : 

اسرائيل قريبة جدا انها تعلن عن علاج لفيرس كورونا بشكل رسمي وشغالين دلوقتي علي علاج اسمه اوبانجب وبيقولوا ان العلاج ده جربوه علي 2 كانت نتايجهم ايجابيه ولقوا ان فيه تحسن كبير في حالتهم الصحيه لدرجة ان واحد فيهم العلاج ساعده انه يخرج من غرفة العنايه المركزه بعد ايام قليله من استخدامه للعلاج و الشركه المنتجه للعلاج بتقول انها اخدت الضوء الاخضر من المعهد الوطني الايطالي للامراض المعديه الاسبوع الماضي وهيتم بيه علاج حوالي 160 مريض في 3 مستشفيات رئيسيه في شمال ايطاليا وفيه مفاوضات حاليا مع امريكا ودول تانيه في احتماليات انهم يجربوا العلاج الاسرائيلي وتعلن اسرائيل انها معندهاش علاج واحد بالعكس عندها علاج تاني طورته شركه اسرائيليه اسمها اسرائيل بلورستم وبيعتمد علي علاج الخلايا المشيميه اثبت نجاحه بعد تجربته علي العديد من المرضي اللي جربوه عليهم حتي الان

ثالثا اللقاح الصيني : 

دخل اللقاح الصيني المرحله الثانيه من الاختبارات و المره دي زودوا عدد المتطوعين وبقوا 500 متطوع لالقاء التجارب عليهم واعمارهم فوق 18 سنه وده 5 اضعاف اللي كان في المرحله الاولي و تتم التجارب في مدينة ووهان اكثر منطقة منتشر فيها فيرس كورونا والصين بتسابق الزمن عشان توصل ل اللقاح الفعال وعاملين ميزانية كبيره جدا للابحاث اللي شغاله علي اللقاح